නව වසරක් උදා වී මාස දෙකකුත් හමාර වන්නට ඔන්න මෙන්න ය. වඩාත් දුෂ්කර වෙතැයි අපේක්ෂිත කාලයක් අභිමුව ඇල්මැරුන සුබපැතුම් ගලා යද්දී උණුසුමක් දැනෙන එකම මාතෘකාව නම් මැතිවරණයයි. මේ වසර මැතිවරණ වර්ෂයක් ලෙස අර්ථකතනය කර ඇති නිසයි ඒ. ඒත් සමගම කුණු සෝදන්නන්, රෙදි සෝදන්නන්, මෙන්ම පුනරුත්පත්තිය ලබන්නන් හා පිනුම් ගසන්නන් ද අඩු නැතිව රඟදෙනු පෙනේ. එහෙත් මේ සූදානම කාගේවත් කිසිම දෙයක් සේදීම නොව මෙවන් වකවානුවක නැරඹිය යුතු යයි සිතෙන සිනමා පටයක් ගැන කතා කිරීමටයි.
